EPISODE.3 「ひとりぼっちの誕生日」 語り: 櫻井孝宏 (2005/06/24)

ふしぎ工房症候群~ドラマCD版第2弾~ 「ひとりぼっちの誕生日」(2006/11/24)
キャスト:僕(櫻井孝宏)、彼奴(鳥海浩輔)、彼(鈴村健一)、彼女(荒木香恵)、老人(大木民夫)

不 思議工房症候群CD Drama 版Episode 3 -一個人的生日 ....明明係朗讀版Ep.3但係響CD Drama版卻係vol.2...真奇怪(點怪都唔及某石既Ep.4竟然係CD Drama vol.1...仲要係出左好耐﹐無言。) Anyways, 尋晚終於都聽完左CD Drama版...所以就想寫一寫一個短後感。 (唔知點解有一種寫論文既感覺...好討厭~上腦喇)

首先﹐我其實係響幾個月前聽左朗讀CD版...呢隻係呢個系列入眠我第一隻聽既~(當然係因為朗讀者既關係...) 如果大家要聽的話﹐應該又第一集聽...因為....Ep.1-3既主角...somehow都係有關連既~

故 事內容: 一個對未來非常有計劃既人﹐為左要響工作成功﹐不惜一切。為人冷淡﹐認為朋友係不必要既﹔冷落女朋友。有一日﹐呢個人終於有機會去為公司出去簽約﹐而佢亦 應為自己幾個月以來既努力一定會響呢件事上成功﹐點知...公司派左另一個人代替佢去簽約。其實﹐呢一日係佢生日﹐佢女朋友一早打電話俾佢話同佢慶祝﹐但 係被佢無視兼叫佢唔好煩﹐因為佢以為自己簽約一定成功﹐之後要去慶功宴﹐所以無時間理女朋友。.........失敗左既佢正非常失落響街上游蕩既時候撞 見左大學同學。呢個同學係有女性恐懼症﹐但當主角見到身旁既女性﹐呢個同學就解釋原來佢已經結左婚﹐而同佢太太相遇既地方就係不思議工房。佢地響不思議工 房買來幸福。當然主角覺得非常無稽﹐幸福又點可能買返黎呢...........之後主角繼續響街上游蕩﹐而忽然見到一個招牌"不思議工 房".........................

其實一路聽﹐我一路想鬧呢個主角~真係好乞人憎~一個衰人。 特別係聽CD Drama版﹐我更覺得如果我係呢個人個女朋友就一定好早就分左手~真係好衰好衰~~ 朗讀版其實係有更多想象空間﹐因為只得一把聲﹐同埋全部都係由主角一個人既角度去感受。但係CD Drama呢就比較細緻﹐譬如好多對話朗讀版都係無既﹐特別係最後一段主角響酒吧遇到既一個同主角非常相似既男人﹐朗讀版的話就會有少少亂﹐因為真係同一 個人嘛~但係CD Drama版呢就非常好﹐可以感受到主角非常討厭呢個同自己相似既人﹐最後發現﹐呢個就係“自己”。 所以呢~~CD Drama版保留左朗讀版最~~~重要既一句說話~實左太好喇~!! 至於係邊一句...大家去揾黎聽啦~~ Drama 版亦加插左好多主角同女朋友既回憶~ 朗讀版有個好處就係可以聽出朗讀者既配音功力﹐因為有好多部份都要分飾幾個角色﹐特別係每個朗讀者所扮演既老人(即係不思議工房既店主)都各有特色~ 所以其實兩方面各有各好~但係我依然係建議聽左朗讀再聽Drama~~

上面所講既女性恐懼症大學同學﹐就係朗讀版Episode 2既主角~哈哈哈~我係聽完Episode3先聽Episode 2....聽左自後非常後悔自己唔跟住黎聽....但係轉個頭聽完Episode 2我又跳左去聽Episode 5....飛左Ep.4某石既"一齊去死啦"(笑)...........唔~~我未聽晒呀~~今晚....跳去聽邊隻好呢?

全站熱搜

ゆかりん 發表在 痞客邦 留言(0) 人氣()