打完好耐極遲既後感 (苦笑) 首先講下整體後感再講攻略對象。

續 編難以承接上集人氣既原因通常都係因為劇情已經變得無野好講﹐或者system了無新意得個悶字﹐又或者玩家仍然瀝愛上集角色而無視左新角色。今次水旋2 到底中左幾多? 其實講劇情的話我覺得今次算OK, 因為就算引用上集既save,都會被強制唔能夠用手塚True End (講真﹐用左的話就無可能有第2集,打過的話就會明白。) 不過我覺得第一集既時候已經有Plan續編(如果唔係就唔會將設樂優設定為Sub-Character) 所以故事點樣都好都一早Plan定有得繼續落去。System的話﹐先撇開可以引續上集Save﹐戰鬥system亦令玩家增加興趣﹐因為唔係得個講字 (笑) 但係當打到第2周開始就會覺得煩...好想快D完成。勉強算係OK既新設定。今集亦都表明可以轉主角既名﹐但汲取過舞一夜+Mermaid Prism既教訓我覺得無必要轉名﹐轉左就會變成無名氏!! 所以呢個system有無都無所謂~~講返引續上集save....我覺得....OK啦~~但係玩家將會變成第3者角度睇住自己上集鐘意既角色同上集主 角XOXO....有夠妒忌~~不過我個人就無乜所謂~反正都係為左聽聲+CG就無好介意自己係唔係第3者﹐又或者可以催眠自己話“其實我先係陽菜(上集 主角)呀~我唔係キラ(今集主角)!!” 但我聽講有人非常非常介意呢個第3者設定........(汗) 搞笑既係上集我無攻略既人都可以引續...都算係一件好事...至於話新角色方面...其實我頗滿意...其實係非常滿意~ 可能因為上集攻略角色有一個我討厭既聲優所以.....今集真係OK~~角色設計都好OK~~唯一係今次兩個角色(設樂優+柏木好春)都係小朋友我就有少 少唔得....雖然話係高中生...但係點睇都唔似~~(笑) 然後明月涼...點睇都後生過細佬明月圭...其實上集我已經留意加々良水季...因為兩兄弟都好靚仔...但係今次我玩第1周都未有機會見到就無辦法 啦....(其實搞到我想返去玩第一集追愁一~~) 整體黎講角色設計+聲優都正~(點頭) 至於CG方面...有人話今集將CG轉成動畫式唔係太好...我覺得無問題丫~幾好呀~~不過手塚好似唔知望左去邊之外(笑) 其實我覺得真係幾靚喔~~

入正題﹐式部吉乃!!!! 點解我會第一個攻略呢個人係一個謎。當時我仲猶疑應該攻邊個...反正九艘同一謠兩邊都要攻一個人先可以攻遮那(即係話本來我要既人係遮那) 但係九艘同一謠之間要揀的話我會揀九艘先(上集的話就一定唔會囉!! 絕對唔會!!) 因為一謠唔係小朋友就係我唔識(聲優)既靚仔...揀都揀識得既人先啦~~所以最後唔知咩情況下入左九艘Route...其實入之前係望住眼鏡男﹐但係呢 個人態度極差﹐再之後響公園撞上一個好Nanpa既人...但係呢個人一開口講野我既第一印象係...."點解呢個人講野咁好聽既!!!!!!?" 非常震驚! 之後唔知點入左九艘Route就自動狂痴住吉乃唔放~~戰鬥一定第一個揀佢﹐大地圖見到就飛撲埋去....基本上就係咁...每次佢講野我都會諗 "點解把聲咁好聽?? 點解講野咁隨便但係D語氣都可以咁....好聽!?????? 好好聽呀~~(攬住隻熊公仔花痴)" 之後我就發現其他角色響我心目中已經唔再重要~~邊個出現過我都無乜記憶...連上集我狂追既茶吞書房兩個人都被我拋棄左(對唔住呀!!! 不過我而家係キラ...我係キラ!!!! 上集既人唔關我事呀~!!!) 明明初出人設我係睇中左眼鏡男安曇康秀同埋隱藏人物遮那......知到眼鏡男身邊有個都係九艘既...隨便男...一睇就知唔關我事啦~~~點知會變成 咁~~~ >_< 其實講靚仔吉乃真係唔算囉~~要靚仔其他肯定有靚仔過既...但係我就係鐘意呢個人~~故事好呀~~(雖然同上集樣好聲差既壞份子有關...搞到呢個人成 日出場!!) CG方面就唔算靚架喇~但把聲搭夠嘛~wahahahah~ 自此之後唔知點解部電腦+PSP突然充滿某人把聲...唔好問我係邊個!!!! (逃)

簡 介一下呢個係點樣既一個隨便男!!! 首先佢係九艘巫女家系式部家唯一繼承者...手上既數珠係好耐之前既太婆(?) 繼承落黎...但對吉乃係一個負擔﹐因為戴住的話就唔可離開尚和町(九艘一族既基地)半步﹐一出就會頭疼作嘔...嚴重的話會死﹐反正就係一隻籠中鳥~為 左要解悶就經常無所事事響尚和町遊玩~之後遇上主角一齊循巡邏佈滿謎之烏鴉既尚和町...之後發現要解開數珠既咒語的話就要尋找到自己最重要既野...唔 駛講都知係...女主角囉~最後就係兩個人瞞住其他戰友去救被捉既陽菜...打爆左個八咫一族既八卦鏡...好春亦離開左女主角身邊因為好春就 係.......某某囉。

貼圖時間:

戦闘特別攻擊
(破邪符)

影見の力 (吉乃: 這種力量就像人體GPS *笑*)


參觀キラ的劍道練習


懷舊街


用影見の力尋找很難見到的螢火虫



幫很喜歡毛公仔的キラ玩UFO Catcher~ 果然是玩樂派...輕易取得兔娃娃


找到了對自己來說重要的東西?

壞人遮那出現~~為的是キラ手上的太刀

數珠突然閃光兼綁緊吉乃...但幸好就像這刻捉住了キラ的手救了她 (其實就在同一時間咒語解開了)


兩人偷偷去救擁有天泣之力的陽菜...


True End: 終於解開咒語...第一次一同來到海邊散步

呵呵呵呵~~~點到即止。

キラ: 呃...你做什麼? 式部さん
吉乃: 試試叫我的名字嘛
キラ: ....吉乃...さん
吉乃: 加了さん字...唔~算了吧~
キラ: !!! (逃)

後 話: Good End果幅就算喇...反正唔靚。(應該話我唔鐘意幅圖~無視。)呼~後感+CG果然分兩次打會比較舒服~~*汗* 最愛既圖係破邪符+UFO娃娃+True ED 圖~~ 如果女主角都係Full Voice就會比較完滿...Intro+ED+Battle先有...好怪。打完吉乃...再玩水旋2變得好空虛...吉乃呀~~你到底有乜野魔 力???? 應該問空野さん(笑), 你把聲點解咁好聽?????

創作者介紹
創作者 ゆかりん 的頭像
ゆかりん

アリスの森~La forêt d'Alice

ゆかりん 發表在 痞客邦 留言(0) 人氣()