尋日我隻GS1st love終於到手, 不過因為要返工所以返工前開左少少黎玩, 然後等放左工先正式開始玩。好~~入正題!

EVS (emotional voice system)
話明GS當然有那個什麼EVS....不過我只能講句失望! 我 當然用返自己個名 (白鳥ゆかり-Shiratori Yukari) 但係!!! 個姓氏讀音竟然出唔到, 可以打出黎選擇既讀音係-> Shi- , Ra-, Ri-, Tori! 只得四款! 好怪! 之後唯有轉姓氏睇下有無好轉, 轉用櫻井, 讀音無問題都係Sakurai 但係個櫻字得簡寫! 咁樣衰我當然唔要啦。 之後再試月森....讀音又唔得 (得 Tsu-, Mori!) 好過份﹐ 再試式部...都係咁(Shi-, kki) 再試柚木....都........其實試到呢到我已經好唔高興! 再試岸尾( 因為揾唔到個"村"字)...又係唔得, 最後出動埋我Yさん個名, 得兩個音都唔work... 激死我﹐最終﹐我漢字都係用返原名白鳥, 但係發音強制變成TORI!!!!! 好嘔!

相反讀名就無問題, 今次好似好多角色都直接叫名 (譬如葉月一開始就單叫我ゆかり, 連さん之類都懶得用!) 不過NDS始終容量有限, 硬要加EVS落去我覺係好勉強。 不過算啦~~反正大家都叫我ゆかり, 會叫我做TORI既只有我會skip對白既某人! 所以算啦!!!

Mini game
運 動會既mini game只試過一次(玩左唔係好耐嘛!), 選擇左玩比較容易既借物競跑....平時係手掣連打, 今次係用枝筆掃畫面。 的確隻手係會無咁疲累但係好難控制速度呢!!! 最終搞到得第2名 (因為比賽前無save所以就唔可以reload從玩!! >_<) ........唉。 不過我諗玩多幾次會好少少既!

普通System
講 返D好野啦。以前問細佬關於其他男仔既資料會浪費左一整個假日﹐但係而家係唔會架!! 問完再打電話都得! 勁好~~ 另一樣好野就係, 去街買衫好似GS2﹐唔會強制去一個location就完~~可以任選兩個location~ 因為我成日去錯地方~至少有多一次機會去返想去既地方。

約會
用 筆去點個男仔既system的確唔錯~~~~而且仲係一次約會可以點3次左右!! 不過問題係要點邊個位最正確呢???? 基本上除左呢樣之外無乜特別~~不過CG唔錯!!! 雖然被分開兩版....(汗) 但係出黎個效果唔錯! 千晴既出現方法同PS2版一樣(好明顯地我故意狂出街撞人啦~~) 但係我仲未撞到天童呀!! 哼~~我玩左無幾耐之嘛~~不過其實我而家係亂玩狀態, 等緊第2年後輩既出現~~哈哈哈~~因為PS2都係追佢先~~所以今次都要!!

暫時寫住咁多先啦~~反正我唔想睇到人地寫既完全玩後感~~會破壞左玩既感覺呀~~睇埋CG仲死, 所以我連金色のコルダ2 所有玩後感都唔睇!!!!!

唉....無時間打機呀!!!! 我有好多野要玩呀!!!!

創作者介紹
創作者 ゆかりん 的頭像
ゆかりん

アリスの森~La forêt d'Alice

ゆかりん 發表在 痞客邦 留言(0) 人氣()